A Deputación de Ourense pon ao dispor de todos os usuarios o novo Portal de Datos Abertos. A Deputación, como Administración pública, xera unha gran cantidade de datos que, coma datos públicos que son, deben estar dispoñibles de forma libre e aberta para a súa reutilización e distribución.

Neste Portal non só se poderá acceder a todos aqueles conxuntos de datos dispoñibles para o seu uso como Datos Abertos que xere a propia Deputación, senón que facilitará o acceso e a reutilización dos datos por terceiros (cidadáns, empresas, emprendedores,…), permitíndose así a integración e colaboración coa comunidade de usuarios.